جابك الله من غياب ضيق صدور المباني ... قبل للوحشه تزعزع بيتك الصلب وتبيده
بيتك اللي من رحلت وكل جدرانه تعاني .... ماتحمل ينتظر شهرين وعيونك بعيده
الله العالم لو انك جيت متاخر ثواني ....... ماتشوف الابقايا من حصاه ومن حديده
من عرفتك وانت تايهه من مواني في مواني ....وتارك قلبي مولع من وقيده في وقيده
ضاعت سنيني احد بها الليالي وتحداني ..... وانت ماتشبع غياب وماتخاف من النقيده
ودي اتحمد الله بالسلامه ومامداني ...... كل ماتوصل برحله ترجع برحله جديده
انت اكيد !!! منت اللي عشقته انت اكيد انسان ثاني ... ليه بصرت بهالاحاسيس البليده
وين حبك للزعل ؟وين العناد الاولاني ... وين حنيه زمان وفرحه العمر الرغيده
وين؟ذاك اللي اذا اقبل مايبات الا بأماني ... وين؟راح اللي اذا اقفى مايروح الا في قيده
واحد من جابه الله بس يامر ويعصاني ... الوحيد اللي اخاف ازعله وامشي معه سيده
مابغيت اطيح بايده لين ماربي بلاني... والا انا لو هي بكيفي مابغيت اطيح بايده
